Cənab Prezidentin diqqətinə: Ekologiyaya düşmən məmurlar kimlərdir?
Turkdunyasi.az xəbər portalına etibarlı mənbədən daxil olan məlumata görə, Masallı Regional Meşə Təsərrüfatı Mərkəzində kadrlar bir başa Ekologiya Nazirliyindən göstəriş əsasında təyin olunurlar.
Təyin olunanların əksəriyyəti qeyri-kadr (qeyri-meçəçi) və ali təhsili olmayanlardır.
Mənbənin bildirdiyinə görə, Masallı RMTM-də çalışan
Rahib Ağayev adlı şəxsin 50 yaşı vardır və bu şəxs 2017-ci ildə Azərbaycan Dövlət Aqrar Universitetinin "aqronomluq" ixtisasının diplomunu alıb. Gəlin araşdırıb görək Rahib Aqrar Universitetinə hansı balla daxil olub və Tələbə Qəbulu ÜDK-dan necə keçib?.
Bu şəxs meşə anlayışından ümumiyyətlə xəbərsiz, ağacların cinsini belə tanımayan və akt yazmağı belə bacarmır. Deyilənə görə onun əmisi oğlu Ağayev Sərdar Sumqayıt şəhərində zavodların birində cənab nazir Muxtar Babayevlə birlikdə çalışib və hətta ailəvi dostluğları da vardır.
Rahib 2021-ci ildə əmisi oğlunun köməkliyi ilə Masallı Regional Meşə Təsərrüfatı Mərkəzinə əkin işləri üzrə baş mühəndis vəzifəsinə təyin olundu və bir müddət Mərkəzdə işlədi, gördü əkinlər batır ( yəni, işinin öhdəsindən gələ bilmir) və bu səbəbdən əmisi oğlunun köməkliyi ilə Qızıl ağac Dövlət Qoruğuna müavin vəzifəsinə transfer edildi. Orada da işləyə bilmədiyi üçün yenidən 3 ay sonra Masalıı Regional Meşə Təsərrüfatı Mərkəzinə baş əkin mühəndisi vəzifəsinə yenidən transfer edildi.
Bu şəxs əkinlərin sxemi və bitişik faizi, örtülü meşə və təbii bərpa və s. nədir bilmir.
Masallı Regional Meşə Təsərrüfatı Mərkəzində dövriyyədə olan əkinlər batdığı üçün Rahib Ağayevə 28 aprel 2022-ci ildə Meşələrin İnkişafı Xidməti tərəfindən töhmət də verilib. Hələ bu azmış kimi Muxtar Babayevin tapşırığı ilə 29.04.2022-ci il tarixdə Rahib Ağayevin Mərkəzin direktor müavini ( mühafizə üzrə ) vəzifəsinə təqdimatı da göndərilib.
İndi buradan cənab nazirə bir neçə sual olunur:
Deyilənə görə bu şəxsin ürəy klapanına 2 ədəd "stend" qoyulub (Allah şəfa versin ) və hazırda gündə 4-5 cür ürəy dərmanı qəbul etdiyi halda, hansı dağlı-daşlı meşələri mühafizə edə bilər?!.
Çün ki, Masallı Regional meşələrinin 80%-dən çoxu dağlıq ərazilərdə yerləşdiyi üçün onların relyefi çox mürəkkəbdir.
Rahib müəllimin meşə sahəsində heç bir il belə stajı yoxdur və ixtisası da məşəçi olmadığı halda hansı meşə mühafizəsindən söhbət gedə bilər?.
Ali təhsilli uzunmüddət meşəçilik sahəsi üzrə işləmiş, ixtisasca meşə mühəndisləri qala-qala niyə məhz Rahib Ağayev?
Bizə çatan məlumatlarda bildirilir ki, Rahib özü şəxsən etiraf edib ki, mən xəstə adamam və meşə mənlik deil, sadəcə olaraq əmim oğlu cənab nazirlə dost olduğu üçün mənı məcbur burada otuzdumaq istəyir və gətirib oyuna salıblar.
P.S. Əgər bu, belə davam edərsə, o zaman Masalıı RMTM meşələrinin taleyi sual altına düşür?.
Yəni, buradan belə görünür ki, yuxarıda oturan "dırnaqarası ekoloqlar"ı meşələr maraqlandırmır, bunları ancaq öz şəxsi maraqları marağlandırır.
Qarşı tərəfin mövqeyin işığlandırmağa hazırıq.