Hikmət Hacıyev ABŞ-a yollandı

Azərbaycan Prezidentinin köməkçisi Hikmət Hacıyev Amerika Birləşmiş Ştatlarında səfərdədir.
“Sputnik Azərbaycan”ın məlumatına görə, Hikmət Hacıyevin ABŞ dövlət katibinin Avropa və Avrasiya məsələləri üzrə köməkçisi Karen Donfridlə görüşü gözlənilir.
Sözügedən danışıqların ABŞ Dövlət Departamentində keçiriləcəyi və mətbuata qapalı olacağı barədə kütləvi informasiya vasitələri xəbər verir.
Xatırladaq ki, bir müddət əvvəl Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Bakıda akkreditə olunmuş Avropa İttifaqı (Aİ) nümayəndəliyinin üzvləri və Aİ səfirləri ilə görüşmüşdü.