Paşinyan nazirləri təcili TOPLADI - Gündəm Qarabağdır

Ermənistanın Baş naziri Nikol Paşinyan bu gün Nazirlər Kabinetinin iclasını keçirib.
 
Turkdunyasi.az xəbər verir ki, bu barədə Ermənistan mətbuatı məlumat yayıb.
 
Bildirilib ki, hökumət nümayəndələri ötən gün Qarabağda baş verən hadisələrin nəticələrini müzakirə ediblər. Baş nazir bildirib ki, Qarabağ və ətrafında vəziyyət son dərəcə kritikdir.
 
Qeyd edək ki, ötən gün ermənilərin Laçında törətdikləri terror-təxribatı nəticəsində hərbi qulluqçumuz əsgər Kazımov Anar Rüstəm oğlu şəhid olub. Buna cavab olaraq Azərbaycan Ordusu bölmələri “Qisas” cavab əməliyyatı keçirib. Əməliyyat nəticəsində Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliklər nəzarətə götürülüb. 
 
İlkin məlumata görə, əməliyyat nəticəsində bir neçə terrorçu məhv edilib, 19 silahlı yaralanıb.