Deputat: “Bəziləri şəhidlərin dəfnini şouya çevirmişdilər”

Milli Məclisdə şəhidlərin dəfni zamanı rast gəlinən xoşagəlməz hallarla bağlı məsələ qaldırılıb.
“Report”un xəbərinə görə, bu barədə parlamentin İctimai birliklər və dini qurumlar komitəsinin bu gün keçirilən iclasında deputat Ceyhun Məmmədov danışıb.
Onun sözlərinə görə, son zamanlar şəhidlərin dəfnində xoşagəlməz hallara rast gəlinir:
“Biz görürük ki, bu hallardan istifadə olunur. Şəhidlərin dəfn mərasimlərini bəziləri sanki şouya çevirmişdilər. Mən bir neçə şəhidimizin dəfnində iştirak etdim. Orada bu halların şahidi oldum”.