Azərbaycan və Türkiyə bütün sahələrdə birlikdə addımlayır - ŞƏRH + FOTO

Azərbaycan və Türkiyə bütün sahələrdə birlikdə addımlayır, inkişaf edir. Dünyadakı və regiondakı çətin durumda hər iki dövlət bütün maneələri və çətinlikləri birlikdə aşır. Türkiyə Prezidentinin Azərbaycana növbəti səfəri bu mənada tarixi əhəmiyyət daşıyır. 
Tarixi köklərə və qardaşlığa söykənən, hər zaman həmrəylik nümayiş etdirən Azərbaycan və Türkiyə arasında əlaqələr bütün sahələr üzrə uğurlu inkişaf yolu keçib. Dövlət başçılarının müntəzəm xarakter alan qarşılıqlı səfərləri ölkələrimiz arasında əməkdaşlığın inkişafında əhəmiyyətli rol oynayıb, müsbət nəticələr verib. Müasir dövrdə Azərbaycan və Türkiyə arasında siyasi əlaqələr strateji müttəfiqlik səviyyəsinə yüksəlib.