İsveçrə Ukraynaya sursat ixracına mane oldu

İsveçrə Almaniyanın Ukraynaya sursat verməsinə yenidən mane olub. Turkdunyasi.az xəbər verir ki, bu barədə İsveçrənin iqtisadiyyat naziri Qay Parmel Almaniyanın müdafiə naziri Kristin Lambrextə məktub yazıb.
Almaniyanın Kiyevə tədarük etdiyi "Gepard" özüyeriyən zenit sistemləri üçün nəzərdə tutulan sursatlar İsveçrədə istehsal olunur. İsveçrəli nazir bildirib ki, ölkənin neytrallıq siyasəti bu sursatların Ukraynaya ixrac edilməsinə imkan vermir.
Məktubda qeyd olunub ki, İsveçrə qanunları silahlı münaqişələrin olduğu ölkələrə silah ixracını qadağan edir.