İran etirazları yatırmaq üçün Rusiyadan kömək istəyib

İranın molla rejimi Rusiyadan xüsusi təlim keçmək və iğtişaşlara nəzarət üçün avadanlıq verməklə xalq üsyanını yatırmaq məqsədilə kömək istəyib.
Məlumata görə, etirazçılarla uzun sürən qarşıdurmaya hazırlaşdığı və həm canlı qüvvə, həm də məhdud texniki resurslar ucbatından narahat olduğu üçün hakimiyyət Moskvadan müşavirlər göndərməyi xahiş edib.
Məxfi sənədlər göstərir ki, Tehran öz daxili vəziyyətini qiymətləndirmək üçün Moskvadan gələn məlumatlara arxalanır. Sənədlərdə Rusiyanın İrandakı etiraz hərəkatının mahiyyəti və gücünü dəyərləndirməsi üçün Qərbin kommunikasiyalarını dinləməsi ilə bağlı ehtimallar da əks olunub.
Xatırladaq ki, bir qədər əvvəl Ağ Evin mətbuat katibi Karin Jan-Pyer demişdi ki, Moskva nümayişlərin yatırılmasında öz təcrübəsinə əsaslanaraq İrana kömək edə bilər.
Mənbə: rbc.ua