DİN-dən Bakıda keçirilən aksiya ilə bağlı RƏSMİ AÇIQLAMA

Dekabrın 26-da saat 14 radələrində müxtəlif illərdə qeyri-döyüş şəraitində həlak olan hərbi qulluqçuların bir qrup valideyni və qohumu “20 Yanvar” dairəsində toplanıb. 
Oxu.Az xəbər verir ki, bu barədə Daxili İşlər Nazirliyinin mətbuat xidmətinin əməkdaşı Nurlan Əliyev mətbuatın sorğusuna cavab olaraq bildirib.
O qeyd edib ki, onların tələbi övladlarına və yaxın qohumlarına şəhidlik statusunun verilməsi olub.
N.Əliyev bildirib ki, polis əməkdaşları tərəfindən onlarla izahedici söhbətlər aparılaraq aidiyyəti ünvana göndəriliblər.