Aİ Haniyənin öldürülməsini pislədi

Heç bir ölkə və heç bir xalq Yaxın Şərqdə artan gərginlikdən qalib ayrılmayacaq”.
Turkdunyasi.az xəbər verir ki, bunu Avropa İttifaqının xarici işlər üzrə sözçüsü Peter Stano bildirib.
O, HƏMAS-ı siyasi lideri İsmayıl Haniyənin öldürülməsindən sonra maksimum təmkinli davranmağa çağırıb.
Bildirib ki, əks halda atılan addımlar onsuz da vəziyyətin kritik olduğu regionda gərginliyi alovlandıra, atəşkəsə nail olunması ilə bağlı kövrək ümidləri aradan qaldıra bilər.
“Biz bütün tərəfləri maksimum təmkin nümayiş etdirməyə və hər hansı bir daha eskalasiyadan qaçmağa çağırırıq”, - Avropa Komissiyasının xarici işlər üzrə sözçüsü Peter Stano əlavə edib