Sumqayıtdakı yanğın hələ də sönməyib: Partlayış səsləri eşidilir - YENİLƏNİR + FOTO/VİDEO

Sumqayıt şəhərinin Hacı Zeynalabdin qəsəbəsində yerləşən “Azərsun Sənaye Parkı”nın ərazisində başlayan yanğını söndürmək mümkün olmayıb.
Türkdünyası xəbər verir ki, yağ-qida zavodu ərazisindəki yanğın hələ də davam edir.
“Global Photo Stock”un əməkdaşı yanğın yerindən fotoları lentə alıb.






FOTO: Tapdıq Abdullayev
21:04
Sumqayıt şəhərinin Hacı Zeynalabdin qəsəbəsində yerləşən “Azərsun Sənaye Parkı”nın ərazisində başlayan yanğın davam edir.
Türkdünyası xəbər verir ki, hadisə yerində partlayış səsləri eşidilir.
Həmin sujeti təqdim edirik:

19:47
Xəbər verildiyi kimi, Fövqəladə Hallar Nazirliyinin "112" qaynar telefon xəttinə Sumqayıt şəhərinin Hacı Zeynalabdin qəsəbəsində yerləşən "Azərsun Sənaye Parkı”nın ərazisində yanğın baş verməsi barədə məlumat daxil olub və dərhal Nazirliyin müvafiq qüvvələri yanğınla mübarizə tədbirlərinə cəlb edilib.
Hazırda FHN-in Dövlət Yanğından Mühafizə Xidməti və Sumqayıt Regional Mərkəzinin qüvvələri ilə yanaşı, Aviasiya dəstəsinin 2 ədəd helikopteri, eləcə də yanğın qatarı yanğının söndürülməsi əməliyyatına cəlb olunub.
Əlavə məlumat veriləcək.











19:23
Sumqayıtda “Azərsun Sənaye Parkı”nın ərazisində baş verən yanğının yeni görüntüləri yayılıb.
Türkdunyası“Azərsun Holding”in yağ-qida zavodundakı yanğının yeni görüntüləri təqdim edir:

18:25
"Azərsun Sənaye Parkı”nda yanğın başlayıb.
Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, FHN-in "112" qaynar telefon xəttinə Sumqayıt şəhərinin Hacı Zeynalabdin qəsəbəsində "Azərsun Sənaye Parkı”nın ərazisində yanğın olması barədə məlumat daxil olub. Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Hazırda yanğının söndürülməsi istiqamətində operativ və təxirəsalınmaz tədbirlər həyata keçirilir.
Əlavə məlumat veriləcək.
17:59
Sumqayıtda yerləşən zavodların birində yanğın başlayıb.
Bu barədə Bakupost məlumat yayıb.
Bildirilib ki, Bakı-Quba yolunun kənarında yerləşən iri zavodlardan birində başlayan yanğın hələ də davam edir.