Hikmət Hacıyev: "Çin Azərbaycan-ŞƏT əməkdaşlığını dəstəkləyir"

"Azərbaycan dialoq tərəfdaşı kimi Şanxay Əməkdaşlıq Təşkilatı (ŞƏT) ilə sıx əməkdaşlıq edir".

Turkdunyasi.az APA-ya istinadən xəbər verir ki, bunu jurnalistlərə açıqlamasında Azərbaycan Respublikası Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev bildirib.
O, Çin Xalq Respublikasının Sədri Si Cinpinin ŞƏT-ə verdiyi töhfəni vurğulayaraq qeyd edib ki, təşkilat Şanxay adını və "Şanxay ruhu"nu daşıyır:
"Çin Şanxay Əməkdaşlıq Təşkilatının Azərbaycanla qarşılıqlı əməkdaşlığını dəstəkləyir. Azərbaycan dialoq tərəfdaşı kimi bu qurumla sıx əməkdaşlıq edir. Çinli dostlarımıza dialoq tərəfdaşı qismində Azərbaycanı dəvət etdiklərinə və fəal münasibətlərinə görə minnətdarıq".