Azərbaycan, Gürcüstan və Türkiyə araşdırma qrupu yaratdı

Azərbaycan, Türkiyə və Gürcüstan, Türkiyəyə məxsus C-130 tipli hərbi təyyarənin Gürcüstanda qəzaya uğraması ilə bağlı birgə beynəlxalq araşdırma qrupu yaradıb.

Turkdunyasi.az xəbər verir ki, bu barədə Gürcüstanın daxili işlər naziri Gela Geladze məlumat verib.
Onun sözlərinə görə, türk mütəxəssislər hadisə yerində bütün gecə işləyib və istintaq hərəkətlərində iştirak edirlər.
Gürcüstan Daxili İşlər Nazirliyi Cinayət Məcəlləsinin 275-ci maddəsinin 4-cü bəndi - “Hava nəqliyyatının təhlükəsizlik və ya istismar qaydalarının pozulması, insan tələfatına səbəb olduqda” maddəsi ilə cinayət işi açıb.