İranın qurduğu bomba əlində partlayacaq

Hələ Azərbaycanın qələbəsini həzm edə bilməyən İran yürütdüyü siyasətlə Ukrayna müharibəsində də işğalçının yanında yer aldığını bir daha nümayiş etdirmiş oldu. Məlumdur ki, dünya ölkələrinin yarıdan çoxunun Rusiyaya sanksiya tətbiq etdiyi bir vaxtda Ukrayna ərazisində İran PUA-larının danışdığını görürük. Əlbəttə İran rəsmiləri bunu təkzib etməyə cəhd göstərirlər.  

Mövzu ilə bağlı Baku TV-yə danışan siyasi ekspert Orxan Amaşov bildirib ki, BMT Təhlükəsizlik Şurasının 2015-ci ildəKİ 2231 saylı qətnamə İranla əldə olunmuş məsələlərlə bağlı icra mexanizmini nəzərdə tutur:
“Orada dronlar daxil olmaqla müəyyən edilmiş silahların İran tərəfindən başqa ölkələrə satılması ilə bağlı məhdudiyyətlər var”.
Qeyd edək ki, Ukrayna ordusunun hərbi kəşfiyyatının sədr müavini Vadim Skibiski İranın Rusiyaya yüzlərlə dron verəcəyini açıqlayıb. Onun sözlərinə görə, İran hökuməti Rusiyaya ümumilikdə 1750 PUA verilməsi üçün müqavilə imzalayıb.