Belçikanın xarici işlər naziri ərinə görə vəzifəsindən getdi

Belçikanın xarici işlər naziri Sofi Vilmes beyin xərçəngi diaqnozu qoyulan ərinin səhhətindəki problemlərə görə nazirlik funksiyalarını qeyri-müəyyən müddətə dayandırdığını bildirib.
Nazir məlumatı bu gün səhər saatlarında hökumət üzvləri ilə iclasda dilə gətirib.
“Xəstəlik həyatımıza öz təsirini göstərdi, xüsusən də həyat yoldaşım Kristoferin... İndi o dünyada bu xəstəlikdən əziyyət çəkən kişilər, qadınlar və hətta uşaqlar kimi beyin xərçənginin aqressiv formasına qarşı mübarizə aparmalıdır”, - deyə Sofi Vilmes əlavə edib.
S.Vilmes təzminat almadan hazırkı nazir vəzifəsindən dərhal istefa vermək qərarını verdiyini də açıqlayıb.
Mənbə: RTBF telekanalı