Aqrar Xidmətlər Agentliyində yeni İSLAHAT DALĞASI... - İDDİA
Aqrar Xidmətlər Agentliyinin Laboratoriya, Ekspertiza və Sertifikatlaşdırma Mərkəzindən Rəşad Vahabzadənin çıxardılması,Taleh Zeynalovun direktor təyin edilməsi orada bir sıra qərarların alınacağına dair fikir yaradıb.Məlumata görə, Laboratoriya, Ekspertiza və Sertifikatlaşdırma Mərkəzinin regional direktorları da dəyişdiriləcək.
Faktinfo.az saytına AXA-nın Laboratoriya, Ekspertiza və Sertifikatlaşdırma Mərkəzində kadr dəyişikliyini dəyərləndirən mənbə hesab edir ki,çox böyük ehtimal bir başa qruma tabeli olan 12 regional mərkəzin direktorları ilə bağlı da qiymətləndirmə olacaq.Əgər 12 regional direktorla bağlı qərar qəbul ediləcəksə,yəqin ki,ilk əvvəl regionlarda aqrokimya laboratoriyalarında aparılan torpaq analizlərinin pullarının başqa hesablara köçürülüb-köçürülməməsi,buna dair sənədləşmələrdə mümkün uyğunsuzluqların olub-olmadığına baxacaqlar.Çünkü müəyyən faktların olub-olmadığını bəri başdan heç kim təsdiq və ya inkar edə bilməz.
Yəni,torpaq nümunələri analiz üçün regionlarda fəaliyyət göstərən Laboratoriya, Ekspertiza və Sertifikatlaşdırma Mərkəzlərindən başqa yerə göndərilməyibsə,analizlərdən əldə olunan vəsaitlərin də başqa və ya şəxsi hesablara köçürülməsi yolverilməz olmalıdır.
Çünkü,torpaq analizlərində istifadə olunan reaktivlər çox qiymətlidir, və həmin reaktivlər dövlət vəsaiti hesabına əldə edilir. O cümlədən həmin reaktivlər torpaq analizlərinin sayına uyğun istifadə olunub,silinməlidir.Dövlət hesabına alınan reaktivlərlə bölgələrdə torpaq analizlərinin aparılması normal,lakin torpaq analizlərindən əldə olunan vəsaitlərin başqa hesablara köçürülməsi maliyyə pozuntusu hesab edilir.Regional direktorlarla bağlı qərar veriləcəksə yəqin ki,AXA-nın Laboratoriya, Ekspertiza və Sertifikatlaşdırma Mərkəzinə təyin olunan yeni direktoru bu kimi məsələlərə diqqət yetirəcəkdir.
Qeyd edək ki, Taleh Zeynalov ötən həftə kənd təsərrüfatı naziri Məcnun Məmmədovun əmrnə əsasən AXA-nın Laboratoriya, Ekspertiza və Sertifikatlaşdırma Mərkəzinə direktor təyin edilib.O,bu vəzifədə Rəşad Vahabzadəni əvəz edib.