Beyləqan Rayon Polis Şöbəsinin təşkilatçılığı ilə tədbir keçirilib.

Beyləqan Rayon Polis Şöbəsinin təşkilatçılığı ilə 1-ci Şahsevən kəndində yeləşən 1 və 2 saylı tam orta məktəblərdə narkomaniyaya, erkən nikaha və dini radikalizmə qarşı maarifləndirmə tədbiri keçirilib.

DİN-nin Mətbuat Xidmətinin Bərdə Regional Qrupundan Turkdunyasi.az-a verilən məlumata görə tədbirdə çıxış edən RPŞ-nin rəisi, polis polkovniki Ceyhun Qurbanov, sadalanan problemlərin yaratdığı fəsadlar haqda ətarflı söhbət açıb. Bu istiqamətdə görülən qabaqlayıcı tədbirlər diqqətə çatdırılıb. Şagirdlərə mükəmməl təhsilə yiyələnməyin vacib olduğu bildirilib. Həmçinin Polis Akademiyasında təhsil almaq arzusunda olan məktəblilərə də dolğun məlumatlar verilib.
Tədbirin sonunda maraq doğuran suallar cavablandırılıb və maarifləndirici videoçarx nümayiş etdirilib.