Niyam Səlamiinin restoran biznesi çökdü

Müğənni Niyam Salami restoran fəaliyyəti ilə bağlı layihəsini dayandırıb.

Turkdunyasi.az Milli.az-a istinadən xəbər verir ki, bir müddət əvvəl yeni biznes üçün Gəncədə məskunlaşan sənətçi artıq yenidən Bakıya dönüb.
O, "Günə bax" verilişində çıxışı zamanı bunun səbəblərindən danışaraq bildirib ki, bu iş ona psixoloji yük yaradıb:
"Artıq taqətim qalmamışdı. Elə düşünürdülər ki, Niyam Salaminin adı varsa, hər məsələdə onu önə çəkmək lazımdır. Mənim əsas işim səhnədir, əlavə problemləri üzərimə götürə bilmirəm. Buna görə də restoran işindən kənarlaşdım".