Samirədən Şeyxə DƏSTƏK: “Kişi arvadı hər şeylə təmin etməlidir”

Xalq artisti, rejissor, aktyor Şeyx Əbdül Mahmudbəyovun “Evi olmayanların ailə həyatı qurması düzgün deyil” fikri sənət cameəsində də birmənalı qarşılanmayıb.
Yenicag.az-a açıqlama verən sənətçi Samirə Yusifqızı maddi durumu imkan vermədiyi halda, kişinin evlənməsinə qarşı çıxıb:
“Arvad almaq şərt deyil, əsas onu saxlamaqdı. Kişinin maddi durumu arvadı saxlamağa imkan verməlidir, evi olmalıdır. Kişi arvadı hər şeylə təmin etməlidir. Bu mənada, Şeyxin fikri ilə 80 faiz razılaşıram. Çünki boşanmalara çox vaxt maddi durum, evsizlik səbəb olur. Evsiz adama da qız vermək çox pis şeydir. Ondansa evlənməsin, gözləsin. Yox, əgər o adamın ipoteka götürəcək qədər imkanı varsa, o pulu sonradan ödəyə biləcəksə, gəlinin, qadının boynundan asılıb qalmayacaqsa, müvəqqəti kirayədə qala, yaxud da haradasa arvadı saxlaya bilər. Yalnız ev alana qədər”.